He Ram

ಹೇ ರಾಮ್

ಗಾಂಧಿಯ ಎದೆಗೆ ಗೋಡ್ಸೆ ಗುಂಡಿಟ್ಟಾಗ

ಹೇ ರಾಮ್ ಅಂತ ಯಾರೋ ಕೂಗಿಕೊಂಡರಂತೆ

ಗಡಿಬಿಡಿಯಲಿ ಯಾವುದೂ ಖಚಿತವಿರಲಿಲ್ಲ

ಅದು ಗಾಂಧಿಯ ಸ್ವರ ಅಂದರು ಹಲವರು

ಗೋಡ್ಸೆಯದಿರಬೇಕು ಅಂತ ಕೆಲವರು

ಹಾಗೇನೂ ಇರಲೇ ಇಲ್ಲ ಅಂದವರು ಮುಂದಿನವರು.

ಕಾಲ ಕಳೆದಂತೆ ವಿಷಯ ಜಟಿಲವಾಯಿತು.

ಕೊನೆಗೆ ಏನೂ ತಿಳಿಯದೆ

ಗಾಂಧಿಯ ಹಿಡಿದು,

ಗೋಡ್ಸೆಯ ಅಪ್ಪಿ

ಇಬ್ಬರಿಗೂ ಒಟ್ಟಿಗೇ  ಗುಂಡಿಕ್ಕತೊಡಗಿದರು ಜನರು

ಆಗ ಗುಂಡಿನ ಸದ್ದು ಬಿಟ್ಟು

ಬೇರೇನೂ ಕೇಳಿಸಲಿಲ್ಲ.